Namangan. 2020 yil 08 maydan 09 mayga o‘tar kechasi noma’lum shaxs Pop tumani Vodiy MFY hududida joylashgan 34 yoshli F.J., ga tegishli do‘konga eshik qulfini buzish yo‘li bilan g‘ayriqonuniy ravishda kirib, u yerdan 1.000.000 so‘m va 200 AQSh dollari naqd pul hamda 7.000.000 so‘mlik xo‘jalik va oziq-ovqat mahsulotlarini o‘g‘irlab, hodisa joydan yashiringan.
Holat yuzasidan Pop tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 169-moddasi 2-qismi “g” bandi (o‘g‘irlik) bilan jinoyat ishi qo‘zg‘atilgan.
Tergov-tezkor harakatlari natijasida ushbu jinoyatni 29 yoshli O.A. va qo‘shnisi 27 yoshli A.E., lar sodir etganliklari aniqlanib, oziq-ovqat va parfyumeriya mahsulotlari ashyoviy dalil tariqasida rasmiylashtirib olingan. O.A. va A.E., lar gumon qilinuvchi tariqasida jalb qilinganlar.