Namanganda 473 million so‘mlik tabiiy gazdan noqonuniy foydalangan nonvoyxona aniqlandi

“O‘zenergoinspeksiya” Namangan viloyat boshqarmasi hamda “Hududgaz Namangan” GTF hamkorligida o‘tkazilgan nazorat tadbirlari davomida, Namangan tumanida fuqaro "A.I."ga tegishli nonvoyxonada hech qanday hujjatsiz, tabiiy gazdan noqonuniy ravishda foydalanib kelinayotgani aniqlandi.

Dastlabki hisob-kitoblarga ko‘ra, mazkur qoidabuzarlik natijasida gaz ta’minoti korxonasiga 473 million so‘m miqdorida iqtisodiy zarar yetkazilgan.

Hozirda holat yuzasidan huquqni muhofaza qiluvchi organlar tomonidan tergovgacha tekshiruv ishlari olib borilmoqda.