Federal prokuratura xitoylik 55 va 52 yoshli Germaniya fuqarosi bo‘lgan er-xotinni Xitoy razvedkasi topshirig‘i bilan nemis universitetlari xodimlari bilan aloqa o‘rnatganlikda ayblamoqda.
Der Spiegel nashrining yozishicha, ularni aerokosmik texnika, IT va sun’iy intellekt kabi sohalar qiziqtirgan.
Ma’lumotlarga ko‘ra, gumonlanuvchilar aloqa o‘rnatish davomida o‘zlarini tarjimon yoki Germaniya avtomobil kompaniyasi xodimlari sifatida tanishtirishgan. Shuningdek, ular nemis olimlariga Xitoyda ma’ruza o‘qishni taklif qilishgan — ularning ta’kidlashicha, tinglovchilar oddiy fuqarolar bo‘lishi kerak edi, aslida esa ma’ruzalar harbiylar uchun mo‘ljallangan.
Prokuratura ikki gumonlanuvchining uylari va ish joylarida tintuv o‘tkazishga buyruq berdi. Shu bilan bir vaqtda Baden-Vyurtemberg, Bavariya, Berlin, Brandenburg, Quyi Saksoniya va Shimoliy Reyn-Vestfaliyada to‘qqiz nafar guvoh so‘roq qilindi. So‘roq qilinganlarning deyarli barchasi olimlardir.
Hibsga olingan er-xotin Karlsruega olib boriladi, u yerda Federal oliy sudning tergov sudyasi ularga nisbatan qamoqqa olish ehtiyot chorasini e’lon qilishi kerak, deyiladi xabarda.
Turklar Erondan ham yomonroq ahvolga tushadi — Isroil madaniyat vaziri
Orol Pekinga tegishli emas va unga bo‘ysunmaydi
Rossiya Ukraina rahbariyatini yo‘q qilishni rejalashtirmoqda
