Surxondaryo viloyati Muzrabot tumanining Yangi diyor mahallasi hududidagi “Sholipoya” massivida Surxondaryo viloyat ekologiya, atrof-muhitni muhofaza qilish va iqlim o‘zgarishi boshqarmasi, Milliy gvardiya viloyat boshqarmasi, Davlat xavfsizlik xizmati chegara qo‘shinlari hamda jamoatchi inspektorlar hamkorligida navbatdagi reyd tadbiri o‘tkazildi.
Tadbir chog‘ida ikki bosh yovvoyi to‘ng‘iz noqonuniy ovlangani aniqlanib, jonivorlarning jasadi Termiz hayvonot bog‘iga topshirildi. Shu yerda malakali veterinariya mutaxassislari ko‘rigidan o‘tkazilgach, ular o‘qotar qurol orqali ovlanib, nobud qilingani ma’lum bo‘ldi. Sanitariya talablariga muvofiq jonivorlarning tanasi yo‘q qilinib, hayvonot bog‘idagi yirtqichlar uchun tabiiy ozuqa sifatida berildi.
Holat yuzasidan olib borilgan surishtiruvda yovvoyi to‘ng‘izlarni Termiz shahrida yashovchi Shodmon Do‘layev (ism-sharif o‘zgartirildi) nobud qilib, atrof-muhitga 11 million 500 ming so‘m zarar yetkazgani aniqlandi.
Ayni paytda g‘ayriqonuniy ov bo‘yicha huquqiy hujjatlar rasmiylashtirilib, tegishli tartibda sudga yuborish uchun tayyorlanmoqda.
Qodirovning ahvoli juda og‘ir: u voris qidirmoqda
“Zudlik bilan tark eting!” — Ukrainada xavfli hududlar bo‘yicha shoshilinch chaqiriq
Shahboz Sharif Pokistonning g‘alabasini e’lon qildi
