Muzlatilgan mojaro Tramp uchun siyosiy va iqtisodiy zarbaga aylanishi mumkin

Amerikalik mulozimlar Qo‘shma Shtatlar Yaqin Sharqda «na tinchlik, na urush va na kelishuv» mavjud bo‘lgan muzlatilgan mojaroga tortilib qolishi mumkinligidan xavotirda. Bu haqda ular Axios nashriga ma’lum qilishgan.

«Bunday ssenariyda Amerika o‘z kuchlarini mintaqada yana ko‘p oylar davomida ushlab turishga majbur bo‘ladi. Hurmuz bo‘g‘ozi yopiqligicha qoladi, AQSh tomonidan qamal davom etadi va har ikki tomon kim birinchi bo‘lib yon berishini yoki o‘t ochishini kutishda davom etadi», — deb yozadi portal.

Bundan tashqari, Amerika yetakchisi Donald Trampga yaqin bo‘lgan manbaning ta’kidlashicha, «muzlatilgan mojaro» Oq uy rahbari uchun ham siyosiy, ham iqtisodiy jihatdan «eng yomon variant» hisoblanadi, chunki noyabr oyidagi oraliq saylovlarga atigi olti oy qoldi.