Mourinyoning iste’fosiga sabab bo‘lgan klub u bilan shartnoma shartlarini kelishib oldi

Joze Mourinyo tez orada "Benfika"ni qabul qilib oladi.

Bugun Lissabon klubi Chempionlar ligasi 1-turidan o‘rin olgan "Qorabog‘"ga (2:3) qarshi o‘yindan so‘ng, Brunu Lajeni iste’foga chiqardi.

A Bola xabariga ko‘ra, Mourinyo yaqin soatlar ichida "Benfika" bilan shartnoma imzolaydi, kelishuv 2026/27 yilgi mavsum oxirigacha mo‘ljallangan. Ayni paytda tomonlar shartnomaning moliyaviy jihatini muhokama qilmoqda - qayd etilishicha, Mourinyo va uning shtabidagi maosh bo‘yicha muzokaralarga "Fenerbaxche" bilan shartnomani bekor qilish shartlari ta’sir ko‘rsatadi.

Mourinyo "Benfika"ni Portugaliya chempionatining shanba kungi "AVS"ga qarshi o‘yinidayoq boshqarishi kutilmoqda. Lissabon klubida ishlash uchun 62 yoshli mutaxassis ta’tilni muddatidan oldin yakunlaydi - u Portugaliyaga faqat yaqin dam olish kunlari qaytishni rejalashtirgandi.