Mourinyo faoliyati davomida ishdan bo‘shatilgani uchun tovon pullari evaziga qancha ishlab olgan?

Joze Mourinyo ishdan bo‘shatilgani uchun 100 mln yevrodan ortiq tovon puli olgan.

Avvalroq portugaliyalik mutaxassis "Fenerbaxche" bosh murabbiyligidan iste’foga chiqarilgan, shartnomani bekor qilgani uchun to‘lanadigan tovon puli esa 15 million yevroni tashkil qilishi aytilgandi.

Bu Joze Mourinyoning murabbiylik faoliyatidagi yettinchi iste’fosi bo‘ldi.

Record hisob-kitoblariga ko‘ra, murabbiyning tovon puli 108 million yevroni tashkil qilgan.

Mutaxassisga "Chelsi" (ikki marta), "Real", "Manchester Yunayted", "Tottenxem" va "Roma" kabi klublar kompensasiya to‘lagan.