"Mossad" rahbari Erondagi vaziyatni muhokama qilish uchun AQShga keldi

Isroilning "Mossad" razvedkasi rahbari David Barnea Erondagi vaziyat bo‘yicha muzokaralar o‘tkazish uchun AQShga keldi.

Bu haqda Axios manbalarga tayanib xabar bermoqda.

Ma’lumotlarga ko‘ra, muzokaralar Erondagi norozilik namoyishlari va Eron rasmiylarining harakatlariga javoban AQShning ehtimoliy harbiy harakatlari munosabati bilan ikki davlat maslahatlashuvlari doirasida bo‘lib o‘tadi. "Mossad" rahbari Mayamida Oq uyning maxsus vakili Stiv Uitkoff bilan uchrashishi kutilmoqda. Barnea AQSh prezidenti Donald Tramp bilan uchrashadimi yoki yo‘qmi, hozircha noma’lum.