Rossiya Tashqi ishlar vazirligi rahbarining o‘rinbosari Mixail Galuzin Moskvadagi Ozarbayjon elchisi Raxmon Mustafayev bilan uchrashuv chog‘ida, 14 noyabr kuni Kiyevda Ozarbayjon elchixonasi hududiga tushgan raketa Patriot havo mudofaa tizimidan otilganini ma’lum qilgan.
«14 noyabr kuni Kiyevdagi Ozarbayjon diplomatik missiyasi bino va mulkiga yetkazilgan zarar bo‘yicha ozarbayjon tomonidan yuborilgan murojaat tegishli Rossiya idoralari tomonidan atroflicha o‘rganib chiqildi».
Hujjatda qayd etilishicha, Rossiya tomoni sodir bo‘lgan voqea yuzasidan «chin dildan afsusda ekanini» bildirgan.
Shu bilan birga, mavjud ma’lumotlar tahlili natijasida «Kiyevdagi Ozarbayjon diplomatik missiyasi binolariga yetgan zarar katta ehtimol bilan Ukraina qurolli kuchlarining havo mudofaa vositalari notekis ishlashi natijasida, taxminan — Patriot ZRK raketa parchalari tushishi oqibatida sodir bo‘lgani» aytilgan.
TIV bundan tashqari, Ozarbayjon tomoniga Rossiya Qurolli kuchlari «maxsus harbiy operasiya» davomida go‘yoki «qonuniy harbiy nishonlar»ga, jumladan Kiyevda joylashgan Ukraina mudofaa-sanoat majmuasi ob’ektlariga zarba berayotgani haqida ma’lum qilgan.
Bayannomada Rossiya raketalarining maqsadli ravishda diplomatik ob’ektlarga qaratilgani haqidagi ma’lumotlar «haqiqatga mos kelmasligi» ta’kidlangan.
«Bu jamoa bilan yo‘lim tugadi» - Islombek Ismoilov O‘zbekiston U-17 terma jamoasidan ketganini e’lon qildi
Rossiyaning Su-57 samolyotlariga xaridor topildi
Ronaldu Trampning Saudiya Arabistoni valiahd shahzodasi bilan kechki ziyofatida ishtirok etdi
