Zelenskiy xalqqa murojaat qildi: "Yoki qadr-qimmatini yo‘qotish, yoki asosiy hamkorini yo‘qotish xavfi bor"

Ukraina prezidenti Vladimir Zelenskiy AQShning tinchlik rejasi haqida xalqqa murojaat qildi.

Zelenskiyning videomurojaati ijtimoiy tarmoqlarda e’lon qilindi.

Zelenskiy Ukraina endi juda qiyin tanlov oldida turishi mumkinligini ta’kidladi.

"Hozir tariximizdagi eng og‘ir damlardan biri. Ukraina qattiq bosim ostida. Endi Ukraina juda qiyin tanlov oldida turishi mumkin. Yoki qadr-qimmatini yo‘qotish, yoki asosiy hamkorini yo‘qotish xavfi", - dedi prezident.

Zelenskiy tanlovni belgilab berdi: yo "qiyin 28 punkt, yoki o‘ta og‘ir qish, eng qiyini va keyingi xavflar".

U bunga o‘z javobini 2019 yil 20 may kuni Ukrainaga sodiqlik qasamyodi chog‘ida, Ukraina suvereniteti va mustaqilligini himoya qilishga, fuqarolarning huquq va erkinliklarini himoya qilishga va’da berganida berganligini ta’kidladi.

"Va har kuni, uning har bir so‘ziga sodiq qolaman. Men unga hech qachon xiyonat qilmayman. Ukrainaning milliy manfaatlarini hisobga olish kerak. Biz ulug‘vor bayonotlar qilmayapmiz. Amerika va barcha hamkorlarimiz bilan xotirjam ishlaymiz", - deya ta’kidladi prezident.

U Qo‘shma Shtatlar bilan yechim izlash haqida e’lon qildi va muqobil variantlarni taklif qilishini va "rejaning kamida ikkita bandi e’tibordan chetda qolmasligi" uchun harakat qilishini ta’kidladi.

"Biz dushmanga Ukraina tinchlikni istamaydi, bu jarayonni buzmoqda, Ukraina diplomatiyaga tayyor emas, deb aytishga hech qanday asos bermaymiz. Bu sodir bo‘lmaydi. Ukraina tezda ishlaydi", - dedi Ukraina rahbari.

Zelenskiy urush tugashi uchun hamma narsani qilishini ta’kidladi.

"Ukraina o‘zimizni yolg‘iz qolgandek his qilgan 24 fevraldagi dejavyuni boshdan kechirmasligi kerak. Qahramon xalqimizdan boshqa hech kim Rossiyani to‘xtata olmaganida", - deyiladi uning bayonotida.