O‘zbekiston terma jamoasi va «Nasaf» forvardi Husayn Norchayev Yevropa kuboklarida ishtirok etish maqsadida «Elimay» klubiga o‘tishi mumkin, deb xabar bermoqda Sports.kz jurnalist Aleksandr Troiskiyga tayanib.
«O‘zbekiston terma jamoasi va “Nasaf” hujumchisi Husayn Norchayevga Qozog‘istonning bir klubi qiziqmoqda.
Hamkasblar jamoa nomini aytmadi, ammo menimcha, bu — “Elimay”. Nima uchun deb so‘ramang — shunchaki ichki his. Jamoa yevrokuboklarda o‘ynaydi, bu esa Husaynni jalb qilishi mumkin. Shuningdek, maosh masalasida ham futbolchini xursand qilish kerak. “Nasaf”da uning oyligi ancha yaxshigina, shu bois qozog‘istonliklar unga oyiga kamida 20 ming dollar taklif qilishlariga to‘g‘ri keladi.
Biroq o‘yinchi darajasi yetarlicha yuqori. Norchayev — o‘zbek Superligasining eng yaxshi to‘purarlaridan biri, Chempionlar ligasida “Nasaf” uchun gollar urmoqda va milliy terma jamoaga chaqiriladi. Ehtimol, u jahon chempionatiga ham boradi.
Shu bilan birga, xuddi shu pulga Yevropada o‘ynab kelgan legionerni ham imzolash mumkin. Lekin Husaynning salohiyati yuqori, agar uni qishda olib ketishsa, O‘zbekiston terma jamoasi safida JChda muvaffaqiyatli o‘ynasa, keyinchalik juda manfaatli narxga sotish imkoni bo‘ladi. Lekin futbolchi 23 yoshga kirganini ham unutmaslik kerak.
Umuman olganda, Qozog‘iston chempionatining top-4 klublaridan biriga o‘tish — Norchayev uchun juda qiziq variant, deb o‘ylayman», — deb yozadi jurnalist.
Ta’kidlash joizki, o‘tgan mavsum yakuniga ko‘ra Semeyning «Elimay» jamoasi 43 ochko to‘plab, KPL jadvalida to‘rtinchi o‘rinni egalladi. Kelgusi mavsumda klub Konferensiyalar Ligasi saralash bosqichida ishtirok etadi.
Fabio Kannavaro Italiya U-17 - O‘zbekiston U-17 o‘yiniga munosabat bildirdi
«Bu jamoa bilan yo‘lim tugadi» - Islombek Ismoilov O‘zbekiston U-17 terma jamoasidan ketganini e’lon qildi
U-17 JCH. 1/8 finalning barcha o‘yinlari yakunlandi (Natijalar)
