Misr kurortida germaniyalik sayyoh kobra chaqishidan vafot etdi

Germaniyalik sayyoh Misrning kurort hududida ilon o‘ynatuvchi shou vaqtida kobra chaqishi oqibatida vafot etdi.

Ma’lum qilinishicha, fojia ilon o‘ynatuvchi chiqishi davomida yuz bergan. Shou paytida kobra sayyohni chaqqan va u qisqa vaqt ichida og‘ir ahvolga tushgan. Shifokorlar tomonidan ko‘rsatilgan yordamga qaramay, uning hayotini saqlab qolishning iloji bo‘lmagan.

Hozirda holat yuzasidan tekshiruv ishlari olib borilmoqda. Mutasaddilar xavfli shou dasturlari va xavfsizlik choralariga amal qilinishi masalasini ko‘rib chiqmoqda.