Misr NATOga o‘xshash, biror davlatga hujum qilinganda uni himoya qiladigan arab harbiy ittifoqini tuzish uchun arab mamlakatlarining qo‘llab-quvvatlashini kutayotgani haqida The Times of Israel xabar berdi.
Bu tashabbus ilk bor 9 yil oldin ilgari surilgan edi. Misr prezidenti Abdulfattoh as-Sisi arab-islom sammiti arafasida o‘tkazilgan yuqori darajali uchrashuvlarda bu g‘oyani yana bir bor qo‘llab-quvvatladi.
🔹 Hozirda Qohira yangi harbiy blokning ustavi va faoliyat mexanizmini tayyorlamoqda. Armiya soni har bir mamlakatning aholisi va harbiy salohiyatidan kelib chiqqan holda shakllantiriladi.
🔹 Misr ushbu harbiy ittifoqqa 20 ming harbiy ajratishni taklif qilmoqda va unda yetakchi rolni o‘ynashni xohlamoqda. Saudiya Arabistoniga ikkinchi o‘rin, Fors ko‘rfazining biror davlatiga esa uchinchi o‘rin berilishi rejalashtirilgan.
