Me’yordan ortiq tuz iste’mol qilish yurak-qon tomir kasalliklari xavfini oshiradi – tadqiqot

Neshvilldagi (AQSh) Vanderbilt universiteti olimlari tuzni haddan tashqari ko‘p iste’mol qilish hayotga xavf tug‘dirishini aniqlashdi.

JAMA Network Open jurnalida chop etilgan tadqiqotga ko‘ra, ortiqcha tuz iste’mol qilish o‘limga olib keladigan yurak-qon tomir kasalliklarining yuqori xavfi bilan bog‘liq.

2002 yildan 2009 yilgacha o‘tkazilgan tadqiqotda 40 yoshdan 79 yoshgacha bo‘lgan 64 329 kishi ishtirok etdi. Kuniga o‘rtacha natriy iste’moli 4,041 dan 4,512 milligrammgacha bo‘lgan, odamlarning 80 foizi kuniga parhez tavsiyalaridan 2,300 milligramm ko‘proq miqdorda tuz iste’mol qilishgan.

O‘rtacha 13,8 yillik kuzatuv davrida jami 17 811 ta o‘limga olib keladigan natijalar qayd etilgan bo‘lib, ularning 5 701 tasi yurak-qon tomir kasalliklari bilan bog‘liq.

Tadqiqotchilar tavsiya etilgan me’yordan ko‘proq tuz iste’mol qilish halokatli oqibatlar xavfini 10-30 foizga oshirishi mumkin degan xulosaga kelishdi, deb xabar beradi lenta.ru.