Messining shaxsiy qo‘riqchisi chetlatildi

«Inter Mayami» futbolchisi Lionel Messining shaxsiy qo‘riqchisi Ligalar kubogi o‘yinlaridan chetlatildi. Bu haqda Tyc Sports nashri xabar berdi.

«Inter Mayami» – «Atlas» (2:1) uchrashuvining oxirgi daqiqalarida jamoa o‘yinchilari o‘rtasida janjal yuz berdi. Kelishmovchilikning qizg‘in pallasida Messining shaxsiy qo‘riqchisi Yassin Cheuko vaziyatga aralashib, Meksika klubining ikki futbolchisini turtib yubordi. Shu harakati uchun u Ligalar kubogida ishtirok etish huquqidan mahrum qilindi.

«30 iyul kuni bo‘lib o‘tgan «Inter Mayami» – «Atlas» o‘yinidan so‘ng mezbonlar delegasiyasidan bir kishi rasmiy akkreditasiyasiz taqiqlangan hududga kirib, noo‘rin xatti-harakatlar amalga oshirdi», — deyiladi turnir tashkilotchilari bayonotida.

Shuningdek, shaxsiy qo‘riqchining bu nomaqbul ishlari uchun «Inter Mayami» klubiga jarima ham solindi.