Argentinalik hujumchi Lionel Messi "Inter Mayami" bilan shartnomasini 2028 yil oxirigacha uzaytiradi.
Bu haqda jurnalist Xavi Kampos Tot Costa podkastida ma’lum qildi.
Manbaga ko‘ra, yangi kelishuv yaqin haftalarda e’lon qilinadi. Qayd etilishicha, argentinalik futbolchi 2026 yilgi jahon chempionati va 2028 yilgi Amerika kubogida ishtirok etish niyatida.
Messi 38 yoshda, u 2023 yilning yozidan buyon "Inter Mayami"da o‘ynamoqda. O‘tgan mavsumda futbolchi MLS muntazam chempionati g‘olibiga aylandi va turnirning eng yaxshi futbolchisi sifatida e’tirof etildi. Uning klub bilan shartnomasi 2025 yilning oxirigacha amal qiladi.
Messi faoliyati davomida Ispaniyaning “Barselona” va Fransiyaning “Pari Sen-Jermen” klublarida o‘ynagan. Argentinalik futbolchi sakkizta “Oltin to‘p” sohibi hisoblanadi. Argentina terma jamoasi bilan Messi Jahon chempionati (2022) va Amerika Kubogi (2021, 2024) g‘olibiga aylandi.
Po‘lat Bobojonov lavozimidan ozod etildi, Abdusalam Azizov yangi lavozimga tayinlandi
O‘zbekiston milliy terma jamoasi Toshkentda Jahon chempionlariga qarshi o‘ynaydi
Samarqandda mojaroga sabab bo‘lgan binoni buzish boshlandi (video)
