Jahon chempionati boshlanishiga roppa-rosa bir oy qoldi. Argentina terma jamoasi dushanba kuni FIFAga taqdim etilgan dastlabki tarkibni e’lon qildi. Ushbu kengaytirilgan ro‘yxatdan 55 nafar futbolchi o‘rin olgan.
Eng muhim jihat shundaki, Lionel Messi ushbu qaydnomaga kiritilgan. Avvalroq matbuotda Messining Jahon chempionatida ishtirok etish borasida hali bir qarorga kelmagani haqida mish-mishlar tarqalgan edi. Yulduz hujumchi musobaqaga jismoniy jihatdan 100 foiz tayyor ekanligiga ishonch hosil qilmoqchi ekanligi aytilgandi.
Jahon chempionatining guruh bosqichida Argentina Jazoir, Avstriya va Iordaniya terma jamoalariga qarshi bahs olib boradi. «Albiseleste» AQSH, Kanada va Meksika mezbonlik qiladigan turnirda Jahon kubogini himoya qiladi.
Krishtianu Ronaldu millionlab obunachilarini yo‘qotdi
Bahodir Jalolov professional boksdagi 18-g‘alabasini tantana qildi (VIDEO)
Messi o‘ziga o‘xshagan eng iqtidorli yosh futbolchi kimligini aytdi
