Bir necha oylik ikkilanishlardan so‘ng Donald Tramp Ukraina masalasida o‘z pozisiyasini keskin o‘zgartirdi — va bu borada hal qiluvchi rolni Germaniya kansleri Fridrix Merks o‘ynagan. Bu haqda The Wall Street Journal xabar berdi.
Hammasi 11 iyul kuni telefon suhbati bilan boshlandi: Rossiya tomonidan amalga oshirilgan kuchli hujumlardan so‘ng Tramp shaxsan Merksga qo‘ng‘iroq qilib, Vladimir Putindan noroziligini bildirdi.
Ma’lum bo‘lishicha, Tramp qurol yetkazib berish masalasida o‘z pozisiyasini qayta ko‘rib chiqishga tayyor bo‘lgan. Bu suhbatdan bir necha kun avval Merks Germaniya AQShning Ukraina uchun mo‘ljallangan PVO tizimlari uchun to‘lovni amalga oshirishini taklif qilgan edi.
WSJ ma’lumotlariga ko‘ra, iyun oyidan beri Merks Tramp bilan muntazam aloqada bo‘lib kelayotgan va 3 iyul kuni u aniq taklif bilan chiqdi: Germaniya Pentagon to‘xtatgan yetkazib berish o‘rniga ikki Patriot majmuasini sotib oladi. Ayni shu taklif orqali Merks “chek daftarchasi diplomatiyasi”ni qo‘llab, Trampni ishontirishga erishdi.
Natijada, Tramp nafaqat taklifga rozi bo‘ldi, balki beshta Patriot majmuasini taklif qildi. Shuning ortidan u Moskvaga ochiq sanksiya tahdidlari qilish va muzokaralar o‘tkazish taklifini ilgari sura boshladi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
