Menejer: Jalolov endi professional ringda ham o‘zini isbotlashi kerak

Bokschimiz Bahodir Jalolovning menejerlaridan biri Alik Frolov «Viktor Yalimov boks studiyasi» YouTube kanalida bokschimiz haqidagi fikrlarini bildirdi.

— Jalolov hozirgi kunda professional boksdagi har qanday raqibni yengishga qodir — superog‘ir vazndagi barcha raqiblarni. Biz uning havaskor boksdagi darajasini yaxshi bilamiz, endi u shu darajani professional ringda ham isbotlashi kerak. Unda buning uchun yetarli sifatlar bor: u ikki qo‘li bilan kuchli zarba beradi, bo‘yi 2,01 metr, u tabiiy superog‘ir vaznli — tez, "portlovchi" va harakatchan. Hozir u to‘liq professionalga aylanishi uchun zarur bo‘lgan jihatlar ustida ishlayapti", - dedi Frolov.