Men AQSh va dunyoni boshqaryapman, bu men uchun juda qiziqarli — Donald Tramp

AQSh prezidenti bu haqda The Atlantic nashriga bergan intervyusida aytib o‘tdi.

Intervyuda Tramp tomonidan bildirilgan boshqa fikrlar:

◾️ AQSh prezidentligi o‘ta jiddiy va mas’uliyatli vazifa;

◾️ Prezidentligimning dastlabki 100 kunidan mamnunman;

◾️ Men uchinchi muddatga prezidentlikka saylanmoqchi emasman, buni amalga oshirish ancha qiyin;

◾️ Putin bilan ishlash Zelenskiyga qaraganda osonroq. Zelenskiyning qo‘lida hech qanday karta yo‘q, lekin u tobora ko‘proq narsa so‘ramoqda;

◾️ Men ijtimoiy tarmoqlardagi postlarimni o‘zim yozaman, buni juda tez bajaraman. Ba’zida yordamchilarimga aytib turib yozdiraman, lekin o‘zim yozishni yaxshi ko‘raman;

◾️ O‘ylashimcha, men Ukrainani qutqaryapman. Bu mamlakat qulash arafasida edi. Haqiqatga tik qaraylik. Men Ukraina uchun katta xizmat qilayapman deb hisoblayman;

◾️ Rossiya “kuchli harbiy mashina”. Qo‘shma Shtatlarning yordamisiz Ukrainadagi urush bir kunda tugagan bo‘lar edi. Mazkur urushning boshlanishi uchun mas’uliyat sobiq prezident Jo Baydenning zimmasida;

◾️ Putinning hozirgi harakatlari meni Ukrainaga nisbatan ko‘proq yon bosishga undashi mumkin, biroq prezident Zelenskiyga emas;

◾️ Ukrainaga yordam albatta qurol ko‘rinishida bo‘lishi shart emas. Bu yordam, sanksiyalar yoki moliyaviy cheklovlar ko‘rinishida bo‘lishi mumkin;

◾️ Ukrainada tinchlik o‘rnatish vaqti keldi, keyingi hafta nima bo‘lishini ko‘ramiz.