Meksikaning Tabasko shtatidagi noqonuniy barga uyushtirilgan hujum oqibatida kamida olti kishi halok bo‘ldi.
Bu haqda Milenio nashri xabar berdi.
Hodisa Makuspana munisipalitetidagi San-Karlos shahrida sodir bo‘lgan. Bir guruh qurollangan shaxslar noqonuniy barlardan biriga bostirib kirib, u yerda spirtli ichimliklar ichayotgan mehmonlarga hujum qilgan.
Ta’kidlanishicha, hujumchilar pichoqli qurollardan foydalangan. Olti kishi halok bo‘lgan, ulardan ikkitasining boshi kesilgan. Yana bir necha kishi jarohatlangan.
