Meksikada krematoriydan 383 ta jasad topildi

Meksikaning AQSh bilan chegaradosh shahri Syudad-Xuaresda joylashgan bir krematoriyda 383 nafar inson jasadi topildi. Bu haqda Chiuaua shtati prokuraturasi ma’lum qildi.

Hukumatning bayonotiga ko‘ra, mazkur krematoriy olti tajsiyaxona (dafn xizmati ko‘rsatuvchi tashkilot) bilan hamkorlik qilgan.

Prokuratura tekshiruvni anonim qo‘ng‘iroq asosida boshlagan. Reyd paytida faqat jasadlar emas, balki boshqa inson qoldiqlari ham aniqlangan.

Dastlabki ma’lumotlarga ko‘ra, ayrim jasadlar bu yerda 3–4 yildan beri saqlanib kelayotgan bo‘lishi mumkin.

Hozirda tergov harakatlari olib borilmoqda, krematoriy faoliyati to‘xtatilgan.