Meksika shaharlaridan birining meri lavozimga kirishganidan olti kun o‘tib o‘ldirildi

Meksika shaharlaridan birining meri lavozimga kirishganidan olti kun o‘tib o‘ldirildi.

43 yoshli Alexandro Arkos 6 oktyabr kuni o‘ldirildi. 30 sentyabr kuni u Gerrero shtati poytaxti Chilpansingo meri lavozimini egallagandi.

Rasmiylar Arkosning kesilgan boshi aks etgan suratlar WhatsApp'da tarqala boshlaganidan so‘ng uning o‘ldirilganini da’vo qilishdi. Reuters fotoning haqiqiyligini tasdiqlay olmadi.

Bundan avval shahar kengashining yangi kotibi Fransisko Tapia Chilpansingoda otib o‘ldirilgani xabar qilingandi.