Meksika bortida AQShdan deportasiya qilinganlar bo‘lgan samolyotni qabul qilishdan bosh tortdi

Bu haqda NBC News xabar berdi.

Manbalarga ko‘ra, AQSh Harbiy-havo kuchlarining ikkita C-17 samolyoti Gvatemalaga 80 ga yaqin deportasiya qilingan shaxsni yetkazgan. Biroq Meksikaga uchishi rejalashtirilgan uchinchi reys amalga oshirilmagan.

"Meksika Amerika harbiy samolyotiga o‘z hududiga qo‘nishga ruxsat bermadi. Bu esa Tramp ma’muriyatining noqonuniy muhojirlarni ushbu mamlakatga deportasiya qilish rejasiga to‘sqinlik qildi", — deb xabar berdi AQSh Mudofaa vazirligining ikki rasmiysi.