Mast holda jamoat tartibini buzgan ichki ishlar xodimi bo‘shatildi

Telegram ijtimoiy tarmoqlarida “Bugungi ayrim IIO xodimlaridan birining ahvolini qarang, oyog‘ida turibdi arang...” sarlavhasi ostidagi video lavha tarqaldi.

Ushbu holat yuzasidan IIV Transportda xavfsizlikni ta’minlash bosh boshqarmasi xodimi A.A. xizmat kiyimida mast holda jamoat tartibi hamda IIVning me’yoriy buyruq talablarini qo‘pol ravishda buzib, ichki ishlar organi xodimining sha’niga putur yetkazuvchi xatti-harakatlar sodir etganligi, xodimlarga nisbatan fuqarolar tomonidan salbiy fikrlar uyg‘onishiga sababchi bo‘lganligi uchun ichki ishlar organlaridan bo‘shatildi.