Massachusetsdagi qariyalar uyida yong‘in chiqdi, 9 kishi halok bo‘ldi

AQShning Massachusets shtatida joylashgan qariyalar uyida sodir bo‘lgan yong‘in oqibatida kamida 9 kishi halok bo‘ldi. Bu haqda mahalliy o‘t o‘chiruv xizmati ma’lum qildi.

Hodisa Foll-River shaharchasida mahalliy vaqt bilan soat 22:00 atrofida yuz bergan. Yong‘in vaqtida muassasada taxminan 70 nafar kishi bo‘lgan.

O‘t o‘chiruvchilar yong‘inni nazoratga olishga muvaffaq bo‘lishgan, biroq 9 kishining halok bo‘lgani tasdiqlangan. Evakuasiya qilingan fuqarolarning ayrimlari kasalxonaga yotqizilgan.

Ma’lumotlarga ko‘ra, besh nafar o‘t o‘chiruvchi yengil tan jarohatlari olgan. Hozirda hodisa sabablari o‘rganilmoqda.