Ijtimoiy tarmoqlar orqali “Samarqandda fuqaro o‘z mashinasida sher bolasini olib yurganligi" haqida video tarqaldi.
Samarqand viloyat Ekologiya boshqarmasi, viloyat prokuraturasi va IIB xodimlaridan iborat ishchi guruh tomonidan tezkor tartibda holat yuzasidan o‘rganish ishlari olib borildi.
O‘rganish natijasida Samarqand tumanida yashovchi fuqaro Afrika sheri bolasini tumanning Oqbo‘yro mahallasi hududidagi dala hovlilarning biriga yashirishga uringani ma’lum bo‘ldi. Sher bolasi dala hovlining sim to‘sig‘iga bog‘lab ketilgan holda topildi. Unga birinchi yordam ko‘rsatilib, vaqtincha saqlash uchun viloyat kinologiya markaziga olib kelindi hamda alohida parvarishga olinib, tibbiy ko‘rikdan o‘tkazildi.
Ayni paytda ushbu qonunbuzarlik yuzasidan tegishli hujjatlar rasmiylashtirilib, viloyat prokuraturasi tomonidan holatga huquqiy baho berilmoqda.
Eron jasorat ko‘rsatmoqda
Fermer "er kovlab," o‘z maydonidan oltin topdi
Polsha Ukrainaga qo‘shin yuborish bo‘yicha yakuniy qarorni e’lon qildi
