Markaziy razvedka boshqarmasi Isroilning Trampga Erondan tahdid borligi haqidagi ma’lumotlariga shubha bildirdi

AQSh Markaziy razvedka boshqarmasi Isroil tomonidan AQSh prezidenti Donald Trampga qarshi Eronning suiqasd tahdidi haqidagi ma’lumotlarga shubha bilan qaradi, bu esa Amerika rahbarini iyul oyi boshida Turkiyani boshqa samolyotda yashirincha tark etishga majbur qildi.

The Washington Post bu haqda AQShning amaldagi va sobiq razvedka xodimlariga tayanib xabar berdi.

Nashrning xabar berishicha, Markaziy razvedka boshqarmasi tahlilchilari Trampga tahdid haqidagi Isroildan olingan razvedka ma’lumotlarini ishonchli deb topmagan va bu haqda AQSh ma’muriyati amaldorlariga xabar bergan.

Agentlikning pozisiyasiga qaramay, Oq uy va Maxfiy xizmat hech qanday tavakkal qilmaslikka qaror qilishdi va qo‘shimcha xavfsizlik choralarini ko‘rishdi. Xususan, Tramp Turkiyani odatdagi prezidentlik samolyotida emas, balki boshqa samolyotda tark etdi.