Xadiya Yusupova 1938 yil sentyabr oyida Namanganda tug‘ilgan. U 3 yoshidan qo‘shiq kuylashni boshlagan.
Professor, O‘zbekistonda xizmat ko‘rsatgan artist vafoti haqida O‘zbek milliy maqom san’ati markazi ma’lum qildi.
U 1956 yilda Moskvada o‘tkazilgan Yoshlar festivalida birinchi o‘rinni egallab, 1957-yilda O‘zbekiston davlat filarmoniyasiga ishga qabul qilingan. Keyinchalik O‘zbekiston radiosi qoshidagi ansamblda Berta Davidova va Kommuna Ismoilova kabi ustoz san’atkorlar bilan birgalikda faoliyat olib borgan.
1958 yilda Yunus Rajabiy rahbarligida tashkil etilgan “Maqom” ansambli tarkibida faoliyat yuritib, maqom san’atining bebaho durdonalarini chuqur o‘rganib, ularni yuksak mahorat bilan ijro etgan. Respublika radiosi va televideniyesida “Shohi belbog‘”, “Ko‘ngil ol”, “Savti Sabo” kabi ko‘plab mumtoz ashulalarni mohirona ijro etib, milliy musiqa oltin xazinasiga ulkan hissa qo‘shgan.
1988 yildan boshlab Mannon Uyg‘ur nomidagi Toshkent davlat san’at institutida (hozirgi O‘zbekiston davlat san’at va madaniyat instituti) an’anaviy ijrochilik yo‘nalishida yosh avlodga saboq berib, ko‘plab shogirdlar tarbiyaladi.
Munisa Rizayeva to‘y xizmatlari narxini oshkor qildi: Poytaxt va viloyatlar o‘rtasidagi farq qancha?
O‘zbekiston — Kolumbiya o‘yini uchun chiptalar sotuvi rekord darajaga chiqdi
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
