Kecha Angliya chempionati navbatdagi turida “Manchester Yunayted” “Vest Xem”ga qarshi maydonga tushdi va 1:3 hisobida mag‘lubiyatga uchradi.
Bu “qizil iblislar”ning joriy mavsumda 7 ta uchrashuvdagi 3-mag‘lubiyatidir. Jamoa ayni damda 10 ochko jamg‘arib, 10-o‘rinda bormoqda. Tabiiyki, kechagi mag‘lubiyat “Manchester Yunayted” muxlislarining sabr kosasini to‘ldirdi. Ortiq chidab tura olmagan ishqibozlar Mourinyoga qarshi isyon ko‘tarishdi.
