“Manchester Yunayted” — joriy mavsumda yevrokuboklarda mag‘lubiyatga uchramagan yagona jamoa

Evropa Ligasi yarim finalida “Atletik” ustidan 4:1 hisobidagi ishonchli g‘alabadan so‘ng “Manchester Yunayted” joriy mavsumda yevrokuboklarda mag‘lubiyatsiz davom etayotgan yagona klub sifatida qolmoqda (birinchi o‘yin – 3:0).

Ruben Amorim shogirdlari bu mavsum Yevropa Ligasida umumiy 9 ta g‘alaba va 5 ta durang qayd etishgan. Musobaqa boshida jamoa bosh murabbiyi Erik ten Xag edi — u 2024 yil oktyabrigacha jamoani boshqargan.

Qolgan barcha yevrokubok ishtirokchilari — Chempionlar Ligasi, Yevropa Ligasi va Konferensiyalar Ligasida — kamida bir marta mag‘lubiyatga uchrashgan.