"Manchester Yunayted" Amorim o‘rniga 5 ta nomzod ro‘yxatini tuzdi

Ruben Amorim ishdan ketishi mumkin. Matbuotda "Manchester Yunayted"ning portugaliyalik murabbiyiga mavsumni yomon boshlaganidan keyin vaziyatni o‘nglash uchun uchta o‘yin berilgani haqida ma’lumotlar paydo bo‘ldi.

Mirror sahifalarida "Manchester Yunayted" bosh murabbiyligiga nomzodlar haqida xabar berildi. Agar "qizil iblislar" Amorim bilan xayrlashsa, unda Oliver Glasner, Garet Sautgeyt, Marku Silva, Andoni Iraola va Maurisio Pochettino kabi mutaxassislarga murojaat qilishi mumkin.

Ushbu ro‘yxatdagi murabbiylardan faqat bittasi hozirda ishsiz - bu Angliya terma jamoasining sobiq ustozi Garet Sautgeyt.