«Manchester Siti»ning chap qanot himoyachisi Rayan Ait-Nuri qishki transfer oynasida jamoani tark etishi mumkin. Bu haqda Football Insider manbasi xabar bermoqda.
Manbaning ma’lum qilishicha, 25 yoshli Jazoir terma jamoasi a’zosiga bosh murabbiy Enso Mareska rejalarida mustahkam o‘rin egallash juda qiyin bo‘lmoqda. Joriy mavsumda u hali Angliya Premyer-ligasi bahslarida maydonga tushmagan. Ait-Nuri faqat Chempionlar Ligasi va Angliya Ligalar Kubogi doirasida to‘rt o‘yinda ishtirok etdi va shu bahslarda uchta golli uzatma muallifiga aylandi.
Chap qanot himoyasi uchun kurashda Ait-Nuri hozircha Yoshko Gvardiol va Niko O’Raylidan ortda qolmoqda. Futbolchining o‘zi raqobatni davom ettirishga tayyor, ammo yaqin vaqt ichida vaziyat o‘zgarmasa, yanvar oyida jamoadan ketish masalasini keskin qo‘yishi mumkin.
Xabarda ta’kidlanishicha, yozgi transfer oynasi yakunlanishi arafasida «Manchester Yunayted» Ait-Nurini o‘z safiga qo‘shib olishga uringan, biroq rad javobini olgan edi. Endi esa klub qishda yana futbolchi nomzodiga qaytishi ehtimol qilinmoqda.
Portugaliya aviakompaniyasi Ronaldu sharafiga samolyotdagi 7C o‘rindig‘idan voz kechdi
Messi o‘z rekordini yangiladi, Ronaldu esa...
Braziliyada 36 yoshli futbolchi otib o‘ldirildi
