"Manchester Siti" "Barselona"dan kamida 100 million yevro so‘raydi

Kataloniyaning "Barselona" klubi "Manchester Siti" hujumchisi Erling Xolandga jiddiy qiziqish bildirmoqda.

The Sun xabariga ko‘ra, "shaharliklar" kelasi yozda norvegiyalik forvard uchun kamida 100 million yevro so‘raydi. Kataloniyaliklar agar futbolchi klubdan o‘zi ketishni so‘rasa, narx pasayishiga ishonmoqda.

25 yoshli yulduz hozirda Transfermarkt tomonidan 180 million yevroga baholanmoqda. Uning amaldagi shartnomasi 2034 yil yozigacha mo‘ljallangan.