"Manchester Siti" 40 million funt evaziga yangi darvozabon sotib oldi

Jeyms Trafford "Manchester Siti"ga o‘tmoqda.

22 yoshli darvozabon "shaharliklar" safini to‘ldiradi, ular "Byornli"dan 40 million funt evaziga sotib olish opsiyasini faollashtiradi.

"Man Siti" tarbiyalanuvchisi bo‘lgan posbon transferga rozilik bergan. Bosh murabbiy Pep Gvardiola ham uni jamoada ko‘rishni istamoqda.

Darvozabonga qiziqish bildirgan "Nyukasl" ham futbolchining qaroridan xabardor qilingan.

O‘tgan mavsumda Jeyms Trafford Chempionshipda 45ta o‘yin o‘tkazib, shundan 29tasida gol o‘tkazmagan.