Fransiya prezidenti Emmanuyel Makron Xitoyni Shimoliy Koreyaga Rossiyani Ukrainaga qarshi urushda qo‘llab-quvvatlashni to‘xtatish uchun ta’sir o‘tkazishga chaqirdi. “Agar Xitoy NATOning Janubi-Sharqiy Osiyo yoki Osiyo ishlariga aralashishini istamasa, u KXDRning Yevropa hududiga aralashishiga yo‘l qo‘ymasligi kerak”, — dedi Makron Singapurdagi Shangri-La Dialoguye forumida.
Fransiya rahbari Rossiya-Ukraina urushi butun dunyoga ta’sir qilishini ta’kidladi. “Rossiya Yevropaga qarshi tajovuzkorligi bilan Osiyoni beqarorlashtirishni istaydi”, dedi u.
Ko‘p tomonlama Sanksiya monitoringi guruhi (MSMT) ma’lumotlariga ko‘ra, keng ko‘lamli urush boshlanganidan beri Shimoliy Koreya Rossiyaga 20 mingdan ortiq konteyner o‘q-dorilar va 6 million artilleriya snaryadlarini o‘tkazgan. Shuningdek, Rossiya KXDRga yangi raketa yaratishda yordam ko‘rsatgan bo‘lishi mumkinligi aytilmoqda.
Avvalroq Moskva Shimoliy Koreya qo‘shinlarining Ukrainadagi harbiy amaliyotlarda ishtirok etganini tan olib, ularning “yuqori professionalligi”ni qayd etgan edi. Janubiy Koreya manbalariga ko‘ra, Pxenyan allaqachon Moskvaga qurol yetkazib berishdan 20 milliard dollardan ortiq daromad olgan.
Dahshat! Vafot etgan 88 yoshli ayol tobutda hushiga keldi
BAA bosh murabbiyi muxlislarga murojaat bilan chiqdi
Hindiston cho‘kib ketmoqda - yarim milliondan ortiq qurbonlar
