Fransiya prezidenti Emmanuyel Makron Bratislavadagi Globsec xavfsizlik forumida nutq so‘zlab, G‘arbni Ukrainaga aniq va ishonchli xavfsizlik kafolatlarini berishga chaqirdi, deb xabar berdi 31-may, chorshanba kuni AFP.
Makronning so‘zlariga ko‘ra, Ukraina bugun Yevropani himoya qilmoqda. Shuning uchun men kelgusi haftalarda buni jamoaviy muzokaralar mavzusiga aylantirish tarafdoriman,dedi Makron.
Unga ko‘ra, Ukrainaga “Isroilga taqdim etilgan xavfsizlik va NATOga to‘laqonli a’zolik o‘rtasida nimadir” taklif qilinishi mumkin.
“Bugun biz Ukrainaga samarali qarshi hujumni amalga oshirish uchun har tomonlama yordam berishimiz kerak. Bu biz hozir qilayotgan ish. Biz sa’y-harakatlarimizni faollashtirishimiz kerak, chunki keyingi bir necha oy ichida sodir bo‘ladigan voqealar hatto mustahkam tinchlik uchun ham imkoniyat yaratadi”, — dedi Makron.
