Makron tariflarga javoban AQShning raqamli sektoriga qarshi choralarni istisno qilmadi

Fransiya prezidenti Emmanuel Makron bojxona to‘lovlari oshishiga javoban AQShning raqamli sektoriga qarshi choralar ko‘rish imkoniyatini belgiladi.

Bu haqda Makron Yelisey saroyida hukumat rahbariyati va yetakchi kompaniyalar bilan bo‘lib o‘tgan uchrashuvda ma’lum qildi.

"Qisqa muddatda hech narsani istisno qilish kerak emas. Bojxona to‘lovlarining oshishi, turli qarshi choralar qo‘llanilishi, AQSh Yevropada katta imtiyozlar oladigan raqamli sanoatda mumkin bo‘lgan qadamlar", - dedi Makron.

Uning so‘zlariga ko‘ra, Yevropaning AQSh qaroriga munosabati qat’iy va mustahkam bo‘lishi kerak.

Eslatib o‘tamiz, 2 aprel kuni AQSh prezidenti Donald Tramp Vashington ko‘plab mamlakatlardan import qilinadigan mahsulotlarga bojxona to‘lovlari joriy etilishini, YEIga esa 20 foizlik stavka qo‘llanilishini ma’lum qilgandi.