Fransiya Nigerda hokimiyatni qo‘lga kiritgan isyonchilar bilan harbiy hamkorlikdan bosh tortadi va yil oxirigacha bu Afrika davlatidan o‘z armiyasini olib chiqish niyatida.
Bu haqda Fransiya prezidenti Emmanuyel Makron “TF1” va “France 2” telekanallariga bergan intervyusida ma’lum qildi.
“Biz hozirgi Nigeriya hukumati bilan harbiy hamkorlikni to‘xtatamiz, chunki ular endi terrorizmga qarshi kurashmoqchi emas. Bu kelgusi haftalarda tartibga solinadi va bu hamkorlikning tugashini anglatadi. Kelgusi haftalar va oylarda qo‘shinlarni tartibli ravishda olib chiqib ketish zarur”, — dedi Makron Niameydagi bazadan qo‘shinlarning olib chiqilishini nazarda tutib.
U qo‘shinlarning to‘liq olib chiqilishi "yil oxirigacha" amalga oshirilishini e’lon qildi.
Makron Parij "terrorizmga qarshi kurashda qit’aga yordam berishda davom etishiga" va’da berdi va buni faqat talab qilgan rasmiy, qonuniy organlar bilan hamkorlik qilishini ta’kidladi.
Pentagon rahbari Ostin AQShning Raisiy vertolyoti halokatiga aloqador emasligiga ishontirdi
Oyatulloh Ali Homanaiy Raisiy omon qolganidan umid qilmoqda
Eron Raisiy vertolyotining qulashi sabablarini aytdi
