Bu haqda The Telegraph nashri xabar berdi.
Aniqlangan tashxislarning yarmidan ko‘pi infeksiya ikki port shahri Tuamasina va Taulanaru hissasiga to‘g‘ri kelmoqda.
Epidemiyaga 1b klada shtammi sabab bo‘lgan. Bu virusning 2024 yilda Kongo Demokratik Respublikasida paydo bo‘lgan turi bo‘lib, o‘shanda JSST xalqaro ahamiyatga ega bo‘lgan jamoat sog‘liqni saqlash favqulodda holatini e’lon qilgan edi. Olimlarning fikricha, qo‘zg‘atuvchi Madagaskarga joriy yilning boshida dengiz savdo yo‘llari orqali kirib kelgan.
Surrey universiteti professori Karlos Maluker de Motesning ta’kidlashicha, kasallikning tarqalishiga odamlarning ko‘chib yurishi turtki bo‘lmoqda, bu esa virus ilgari tarqalmagan joylarda yangi o‘choqlarni hosil qilmoqda. Uning so‘zlariga ko‘ra, Tuamasina va Taulanaru odamlar harakati jadal bo‘lgan yirik savdo portlari bo‘lib, bu infeksiyaning kirib kelishini va uning zich shahar bo‘ylab keyingi tarqalishini yengillashtirgan.
Epidemiyaning haqiqiy ko‘lami rasmiy raqamlardan ko‘proq bo‘lishi mumkinligi qayd etilmoqda. JSST ma’lumotlariga ko‘ra, Madagaskarda o‘tkazilgan testlarning taxminan 65 foizi ijobiy natija bermoqda, bu esa mutaxassislarning fikricha, kasallanganlarni aniqlashda kamchiliklar borligini ko‘rsatadi.
Xitoy elektromobillari omborlarda to‘planib qolmoqda
Saudiya Arabistoni valiahd shahzodasi Trampni Eronga qarshi boshqa hujumlar uyushtirmaslikka chaqirdi
Florensiyada “birinchi Coca-Cola” resepti topildi
