G‘arb mamlakatlaridagi "qaynoq boshlar" "Rossiyaning yadroviy doktrinasi yangilanishi munosabati bilan signallarni eshitdilar, bu ularning hovurini sovitadi." Bu haqda Belarus prezidenti Aleksandr Lukashenko jurnalist Pavel Zarubinga bergan izohida ma’lum qildi.
"Qaynoq boshlar bu signallarni allaqachon eshitishgan, yangilanishdan oldin... Agar ular eshitmaganlarida, ehtimol, bizni, ayniqsa, Rossiyani uzoq masofaga uchuvchi raketalar bilan bombardimon qilishardi. Bu esa, ehtimol, ularning hovurini sovitadi," - dedi u.
Lukashenkoning so‘zlariga ko‘ra, "yadroviy doktrinani yangilash kerak edi." Uning aytishicha, taxminan besh yil oldin "biz bu masalaga yondashganmiz."
25 sentyabr kuni Rossiya prezidenti Vladimir Putin Rossiya yadroviy doktrinasiga "zamonaviy voqelikka moslashtirish" orqali o‘zgartirishlar kiritishni taklif qildi. Uning so‘zlariga ko‘ra, "doktrinaning yangilangan tahririda yadro quroliga ega bo‘lmagan davlat tomonidan, ammo yadro quroliga ega davlat ko‘magida yoki ishtirokida Rossiyaga qarshi tajovuz qo‘shma hujum sifatida qaraladi."
Dunyodagi eng keksa timsoh — 1900-yildan beri tirik va 10 000 dan ortiq naslning otasi bilan tanishing
Sun’iy intellekt 2028 yilda Krishtianu Ronaldu 1000 ta golli marraga yetganida Lionel Messi qancha gol urishini bashorat qildi
Eron bilan «raketa tennisi» Isroilning zaifligini ko‘rsatdi
