Lukashenko Makronga Putinga qo‘ng‘iroq qilib, u bilan “erkakchasiga” gaplashib olishni taklif qildi

Aleksandr Lukashenkoning so‘zlariga ko‘ra, u buni Fransiya prezidenti bilan telefon orqali suhbatda ma’lum qilgan.

"Men Emmanuel Makronga Moskvaga borish siz uchun unchalik to‘g‘ri kelmas, balki Minskka kelarsiz, u yerda biz sizni Vladimir Vladimirovich bilan birga kutib olamiz va sizlar “erkakchasiga” gaplashib olishingiz mumkin deb aytdim", — dedi Belarus prezidenti.

Shuningdek, Lukashenko Makronga Belarus yadroviy qurolni faqat o‘ziga tajovuz sodir bo‘lgan taqdirdagina qo‘llashini va mavjud muammolarni muhokama qilish uchun keyingi haftada uning ishonchli vakilini qabul qilishga roziligini bildirgan.

Avvalroq, Makron va Lukashenko telefon orqali muloqot qilgani, suhbat Fransiya tomonining tashabbusi bilan bo‘lib o‘tgani xabar qilingandi.