Lukashenko: Belarus harbiylari Ukraina hududida bo‘lmagan va bo‘lmaydi

Belarus prezidenti Aleksandr Lukashenko mamlakat harbiylari Ukraina hududida bo‘lmagani va bundan keyin ham bo‘lmasligini ma’lum qildi.

Uning ta’kidlashicha, Belarus Qurolli kuchlari Ukrainadagi harbiy harakatlarda ishtirok etmagan va kelajakda ham ishtirok etmaydi.

Shu bilan birga, Lukashenko agar Belarus hududiga tashqi tomondan harbiy hujum amalga oshirilsa, vaziyat keskin o‘zgarishi mumkinligini qayd etdi.

«Agar Belarus hududiga biror joydan harbiy hujum amalga oshirilsa, Ukraina hududidagi urush mutlaqo boshqacha tus oladi», — dedi u.

Lukashenkoning bayonoti Minskning Ukrainadagi mojaroda bevosita ishtirok etishi haqidagi bahslar fonida yangradi.