Olimlar xavotirda: Yer sekinlashmoqda

Olimlar xavotir qo‘ng‘irog‘ini chalmoqda: Yer sayyorasi so‘nggi 3,6 million yil ichida kuzatilmagan darajada sekinlashmoqda, deb xabar berdi BBC Science Focus.

Tadqiqotchilarning aniqlashicha, muzliklar va qutblardagi muz qatlamlarining erishi natijasida ulkan hajmdagi suv massalari sayyora bo‘ylab qayta taqsimlanmoqda. Bu esa Yerning o‘z o‘qi atrofida aylanish tezligiga ta’sir ko‘rsatib, uning sekinlashishiga olib kelmoqda.

Hozirgi kunda bir sutkaning davomiyligi har 100 yilda o‘rtacha 1,33 millisekundga uzaymoqda. Olimlar ta’kidlashicha, bu ko‘rsatkich so‘nggi 3,6 million yil davomidagi eng yuqori daraja hisoblanadi.