Livan o‘t ochishni to‘xtatishga tayyor. Endi hamma gap Isroilda qoldi

Livan tashqi ishlar vaziri Abdulloh Bu Habib Isroil bilan o‘t ochishni to‘xtatish bo‘yicha muzokaralarda ma’lum ijobiy siljishlar borligini, biroq yakuniy natijaga hali erishilmaganini aytdi. U La Repubblica nashriga bergan intervyusida uning mamlakati tegishli kelishuvni imzolashga tayyorligini, endi hammasi Isroilga bog‘liqligini ishontirdi.

"Biz amerikaliklarga (vositachi bo‘lib ishlayotgan) BMTning 1701-rezolyusiyasini to‘liq bajarishga tayyor ekanligimizni aytdik, endi hammasi Isroil tomoniga bog‘liq" - dedi vazir.

Abdulla Bu Habib o‘t ochishni to‘xtatish bo‘yicha kelishuv 60 kunlik o‘tish davrini ko‘zda tutayotganini, bu davrda Isroil armiyasi chiqib ketishi, Livan janubidagi hudud esa BMT Muvaqqat kuchlarining tinchlikparvar missiyasi ko‘magida milliy armiya nazorati ostida bo‘lishini ta’kidladi. Livan armiyasi va BMT missiyasi soni oshirilishi mumkin. Livanlik vazirning so‘zlariga ko‘ra, o‘t ochishni to‘xtatish rejimi livanliklar, isroilliklar, BMT muvaqqat kuchlari vakillari, amerikaliklar va fransuzlardan iborat qo‘mita tomonidan nazorat qilinadi.