Jozef Aun Tehronni AQSh va Isroil bilan urushda Livan xalqining xohishiga qarshi o‘laroq, o‘z mamlakatidan muzokara vositasi sifatida foydalanayotganini aytdi.
"Bu sizning mamlakatingiz emas, bu bizning mamlakatimiz. Siz bizga yordam berishga urinmayapsiz. Livan xalqi sizning shaxsiy manfaatlaringiz uchun badal to‘lamoqda. Bizning manfaatlarimiz sizniki bilan mos kelmaydi. Biz bundan to‘ydik va tinchlikda yashashni istaymiz. Livan xalqi tinch va munosib yashashga loyiq. Odamlar har 5-10 yilda uylari vayron bo‘lishini ko‘rishni xohlamaydi", — dedi Livan prezidenti.
1980-yillarda tashkil etilganidan beri “Hizbulloh” Isroil bilan bir necha bor urushgan. Shu yilning 28 fevralida boshlangan AQSh va Isroilning Eronga qarshi urushiga javoban guruh Isroilga raketalar uchirdi. Isroilning agressiv javob zarbalari oqibatida 3500 dan ortiq livanlik halok bo‘ldi va aholining qariyb beshdan bir qismi uy-joyini tashlab ketishga majbur bo‘ldi.
Aprel oyida Tehron va Vashington o‘rtasida o‘t ochishni to‘xtatish bo‘yicha kelishuv kuchga kirdi. Shundan keyingi muzokaralarga qaramay, Bayrutda portlashlar va hujumlar tinmadi. Eron AQSh bilan urushni tugatish kelishuvini Isroilning Livandan chiqib ketishi sharti bilan bog‘ladi.
2026 yil yozda Markaziy Osiyo mamlakatlarida anomal darajada kuchli yog‘ingarchiliklar kuzatilishi mumkin
«Jumanji» aktyori vahshiylarcha o‘ldirildi
Million rossiyalik mamlakatni tark etdi
