ILMA mutaxassislari Internet monitoringi davomida kripto-aktivlar bilan operasiyalar niqobi ostida fuqarolar mablag‘ini to‘playotgan hamda “moliyaviy piramida” belgilariga ega bo‘lgan “LIONSGATE” loyihasining faoliyatini aniqladilar. Loyiha tashkilotchilari O‘zbekistonda kripto-aktivlar sohasida faoliyat yuritish uchun belgilangan lisenziyaga ega emas. Agentlik ushbu holat bo‘yicha huquqni muhofaza qiluvchi organlarga murojaat yo‘lladi.
Amaldagi qonunchilikka muvofiq, kripto-aktivlar aylanmasi sohasida xizmatlarni faqat belgilangan tartibda lisenziya olgan O‘zbekiston rezidenti bo‘lgan yuridik shaxslar amalga oshirishi mumkin. Lisenziyalangan provayderlar reestri Agentlik veb-saytida mavjud.
Shu bilan birga, fuqarolar va yuridik shaxslar kripto-aktivlarni sotib olish, sotish yoki ayirboshlash operasiyalarini 2023 yil 1 yanvardan boshlab faqat milliy provayderlar orqali amalga oshirishlari shart. Belgilangan tartibni buzish ma’muriy yoki jinoiy javobgarlikka sabab bo‘ladi.
Fuqarolarni ehtiyotkor bo‘lishga chaqiramiz:
🗣 Lisenziyasiz kripto-loyihalarga mablag‘ yo‘naltirmang.
🗣 Operasiya amalga oshirishdan oldin provayder lisenziyasi mavjudligini tekshiring.
🗣 Noqonuniy loyihalarda ishtirok etish moddiy zarar va javobgarlikka olib kelishi mumkin.
O‘zbekistonliklar va turkmanistonliklarning qarshiligiga qaramay Rog‘un GES qurilishi davom etadi
Kaspiy dengizi ikkiga ajralishi mumkin
Jizzaxda Lacetti va yuk mashinasi ishtirokidagi "avariya"da 5 kishi halok bo‘ldi
