Lionel Messining bir o‘zi butun «Real» tarkibidan yaxshiroq statistika qayd etdi

«Inter Mayami» hujumchisi Lionel Messi KJCh chorak finalidan o‘rin olgan «PSJ»ga qarshi o‘yinda (4:0) bitta golli vaziyat yaratdi.

ESPN xabariga ko‘ra, bu turnir yarimfinalida parijliklarga qarshi o‘ynagan «Real»ning butun tarkibidan ko‘ra yaxshi natija hisoblanadi. Ispan grandi ham ushbu bahsda 4:0 hisobida mag‘lub bo‘ldi, biroq birorta ham golli vaziyat yarata olmadi (0).

Bundan tashqari, «Inter Mayami» «PSJ»ga qarshi o‘yinda «Real»ga qaraganda ko‘proq to‘pga egalik qilgan (33,4 foiz - 31,9 foiz).

Eslatib o‘tamiz, Lionel Messi 2021 yildan 2023 yilgacha «PSJ» safida to‘p surgan. Bu davr ichida u barcha turnirlarda 75 ta o‘yinda maydonga tushib, 32 ta gol va 35 ta golli uzatmani amalga oshirgan.