"Inter Mayami" hujumchisi Lionel Messi faoliyatini Argentina chempionatida davom ettirishi mumkin.
Jurnalist Flavio Azzaroning xabar berishicha, 39 yoshli futbolchi o‘z vataniga qaytib, "Nyuells Old Boyz" klubi safiga qo‘shilish imkoniyatini ko‘rib chiqmoqda.
Aynan ushbu jamoada Messi futbolchilik faoliyatining dastlabki qadamlarini qo‘ygan edi.
Manbaga ko‘ra, "Barselona"ning afsonaviy sobiq futbolchisi 2027 yilning yanvar oyidayoq Argentina klubiga o‘tishi ehtimoldan xoli emas.
Biroq hozircha ehtimoliy transfer yuzasidan rasmiy ma’lumot berilmagan.
Eslatib o‘tamiz, Messi 2023 yildan buyon AQShning "Inter Mayami" klubi sharafini himoya qilib kelmoqda.
Argentinalik yulduz joriy mavsumda barcha musobaqalar doirasida 33 ta uchrashuvda maydonga tushib, 29 ta gol urgan va 16 ta golli uzatmani amalga oshirgan.
Messining "Inter Mayami" bilan amaldagi shartnomasi 2028 yilning oxirigacha mo‘ljallangan.
Ronaldu ten Xagning tanqidiga keskin javob qaytardi
Ispaniyadagi fojiali o‘lim Ronalduni ham larzaga soldi
"Real" Chempionlar ligasida hech bir klub uddalay olmagan rekordni o‘rnatdi
