Rossiya xalq artisti Valeriya Islom sivilizasiyasi markaziga tashrif buyurdi

Markaz ma’lumotiga ko‘ra, xonanda majmua me’morchiligi va muzey ekspozisiyalari bilan tanishgan.

U qadimiy ashyolar zamonaviy texnologiyalar bilan uyg‘unlashgani, markaz muhiti esa tashrif buyuruvchilarda yorqin taassurot qoldirishini aytgan.

Valeriya bungacha Samarqanddagi Imom Buxoriy markazida ham bo‘lgan. U bunday maskanlarni kelajak avlod uchun muhim meros deb atab, tashrif yakunida markazning “Faxriy mehmonlar” kitobiga taassurotlarini yozib qoldirgan.